जलविद्युत आयोजनाहरुलाई सहजीकरण गछौँ : मन्त्री यादव
वन तथा वातावरण मन्त्री प्रदीप यादवले वन क्षेत्रमा पर्ने जलविद्युत आयोजनाहरुलाई सहजीकरण गर्ने बताउनु भएको छ । आज मन्त्री यादव तथा स्वतन्त्र उर्जा उत्पादकहरुको संस्थाका पदाधिकारीहरुबीच मन्त्रालयमा भएको भेटघाट तथा छलफलका क्रममा मन्त्री यादवले वन क्षेत्रमा पर्ने जलविद्युत आयोजनाहरुलाई सहजीकरण गर्ने प्रतिबद्धता जनाउनु भएको हो ।
उक्त भेटघाट तथा छलफलका क्रममा स्वतन्त्र उर्जा उत्पादकहरुको संस्थाका पदाधिकारीहरुले वन क्षेत्रमा पर्ने जलविद्युत आयोजनाहरुलाई सहजीकरण गरिदिन आग्रह गर्नु भएको थियो । पदाधिकारीले राख्नु भएका मागका विषयमा आफ्नो उपस्थिति वन तथा वातावरण मन्त्रालयका कर्मचारी र संस्थाका पदाधिकारीहरुबीच छलफल राखेर समस्या समाधान गरिने जानकारी दिनु भएको थियो । विमल विष्ट
