रौतहट–काठमाडौं सम्पर्क मन्चको भेला सम्पन्न
नेपाल कम्युनिष्ट पार्टी एमाले रौतहट–काठमाडौं सम्पर्क मन्चको भेला काठमाडौंमा सम्पन्न भएको छ । सम्पन्न सो भेलाबाट रौतहट–काठमाडौं सम्पर्क मन्च क्षेत्र नं. १ को अध्यक्षमा शैलेन्द्रकुमार यादव, क्षेत्र नं. २ को अध्यक्षमा उदय जयसवाल, क्षेत्र नं. ३ को अध्यक्षमा डा. अरुणकुमार साह र क्षेत्र नं. ४ को अध्यक्षमा ईन्दल साह रहने गरी ७५ सदस्यीय कमिटी गठन भएको छ ।
सदस्यहरुमा लक्ष्मण धिताल, सुरेश श्रेष्ठ, सजीत चौधरी, नरेश मगर, गोविन्द श्रेष्ठ, गोविन्द कटुवाल, सुचिन्द्र थापा, बिजय भट्टराई, सानु लामा, उमेश घिमिरे रहेका छन् । यसैगरी राम सुरत चौधरी, दिपेन्द्र चौधरी, शेख सफरुदिन, देवेन्द्र साह, रमेश कुश्वाहा, बिन्दलाल साह, रामनरेश ठाकुर, फिरोज चौरसिया, अर्जुनप्रताप पटेल लगायतका रहेका छन् ।
भेलाको उदघाटन गर्दै एमाले महासचिव शंकर पोखरेलले आगामी निर्वाचनको तयारीमा जुटन निर्देशन दिए । पाँच दलीय गठबन्धनको सरकारले देशलाई कंगाल बनाउन लागेको आरोप लगाउदै उनले देशलाई समृद्ध बनाउनका लागि आगामी निर्वाचनबाट एमालेको नेतृत्वमा सरकार निर्माण हुने गरी निर्वाचनको तयारीमा जुटनुपर्ने आवश्यक्ता रहेको बताए ।
यसैगरी एमाले स्थायी कमिटीका सदस्य एवं पूर्वमन्त्री प्रभु साहले आगामी निर्वाचनबाट एमाले अध्यक्ष केपी शर्मा ओलीको नेतृत्वमा बहुमतको सरकार बन्ने ठोकुवा गरेका छन् । ४ मंसिरको प्रतिनिधि सभा र प्रदेश सभा निर्वाचनबाट केन्द्र र प्रदेशमा एमालेको बहुमतको सरकार बन्ने निश्चित रहेको दावी साहले गरेका छन् । भेलामा बिभिन्न पार्टी परित्याग गरी सयौंको संख्यामा नेता–कार्यकर्ताहरु एमालेमा प्रवेश गरेका छन् ।
