वन जङगल जोगाउन, संरक्षण र विकास गर्न जरुरी छ : मन्त्री यादव
वन तथा वातावरणमन्त्री प्रदीप यावदले नेपालको हरियाली वन जङगल क्षेत्र जोगाउन, संरक्षण र विकास गर्न जरुरी रहेको बताउनु भएको छ । आज वन विभागले वन परिसरमा स्थापना गरेको “सामुदायिक वन स्तम्भ” को वन दिवस २०७९ को अवसरमा अनावरण गर्नु हुँदै मन्त्री यादवले नेपालको वन जङगल क्षेत्र जोगाउन, संरक्षण र विकास गर्न आवश्यक रहेको बताउनुभयो ।
उहाँले भन्नुभयो, “नेपालको वन जङल क्षेत्र जोगाउन, संरक्षण र विकास गर्न जरुरी छ, यो अभियानमा सबैको सहयोग अनि साथ चाहिन्छ ।” वन स्तम्भले तराई मधेशदेखि नेपालको पहाडी र उच्च हिमाली क्षेत्रसम्म वन जङ्गल र वन्यजन्तु जोगाउने अभियानमा आ–आफ्नो स्तरबाट सहयोग गर्ने सम्पूर्ण अभियन्ता, कर्मचारी, सुरक्षाकर्मी र अन्य राष्ट्र सेवकहरुको योगदानलाई कलात्मक रुपमा दर्शाउने समेत मन्त्री यादवले बिश्वास व्यक्त गर्नुभयो ।
यसैगरी मन्त्री यादवले सबै सामुदायिक वनका पदाधिकारी, वन कर्मचारी लगायतले नेपालको वन जङगलको संरक्षण गर्नुका साथै वन जोगाउन तर्फ लाग्न आग्रह गर्नुभयो । वन स्तम्भ निर्णमाण गर्न नेपालकै वन जङ्गलमा पाइने विभिन्न किसिमका काठ प्रयोग गरीएको र सामुदायिक वन अभियानसँग जोडिएर विभिन्न कालखण्डमा अतुलनीय योगदान पु¥याउनु भएकाहरुको प्रतिकका रुपमा वन विभागले वन परिसरमा “सामुदायिक वन स्तम्भ” को निर्माण गरीएको वन निर्देशक राजेश केशीले जानकारी दिनुभयो । विमल विष्ट
