नारायणी नदीले सतर्कताको तह नाघ्यो

हाम्रो इकोनोमि

 

 

चिथतवनस्थित नारायणी नदीमा पानीको बहाव बढेसँगै सतर्कता अपनाउन भनिएको छ । नारायणी नदीको देवघाट बाढी मापन केन्द्रमा पानीको सतह सतर्कता तह नजिकै पुगेकाले नदी तटीय क्षेत्रका बासिन्दालाई उच्च सतर्कता अपनाउन आग्रह गरिएको हो ।

नवलपुरका प्रमुख जिल्ला अधिकारी सुमन घिमिरेले तटीय क्षेत्रका बासिन्दालाई उच्च सतर्कता अपनाउन आग्रह गरिएको बताउनुभयो । निरन्तर वर्षासँगै पानीको सतह क्रमशः माथि आइरहेको उहाँले जानकारी दिनुभयो । उहाँका अनुसार मंगलबार बिहान पानीको सतह ७.१८ मिटर मापन गरिएको छ । नारायणीमा जलसतह सात ७.३ नाघेपछि सतर्कता तह र ९ मिटर पुगेपछि खतराको तह मानिन्छ ।