अर्थमन्त्रीमा पुनः जनार्दन शर्मा नियुक्त
अर्थमन्त्रीमा पुनः जनार्दन शर्मा नियुक्त भएका छन् । प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले शर्मालाई अर्थमन्त्रीमा नियुक्त गरेकी हुन् । मन्त्री शर्माले आजै साँझ राष्ट्रपति कार्यालयमा सपथ लिने तय भएको छ । बजेट निर्माणमा अनधिकृत व्यक्तिहरुले प्रवेश पाएको विषयमा विवादित बनेपछि अर्थमन्त्रीबाट राजीनामा दिएका शर्माले नै पुनः जिम्मेवारी पाएका हुन् । संसदीय छानबिन समितिले शर्मालाई सफाइ दिँदै प्रतिवेदन बुझाएको थियो ।
शीतल निवासमा साँझ साढे ५ बजे सपथग्रहण समारोह राखिएको राष्ट्रपति कार्यालयका सहसचिव सागर आर्चायले जानकारी दिए ।
