साउन १६ गते जनप्रदर्शन गदै एमाले
नेकपा एमालेले महंगी र भ्रष्टाचारबिरुद्ध साउन १६ गते काठमाडौंमा मानवसागर उतार्ने गृहकार्य अन्तिम चरणमा पुर्याएको छ । एमाले केन्द्रीय कार्यालय च्यासलमा आयोजित बैैठकमा महासचिव शंकर पोखरेलले साउन १६ गते आयोजना गरिएको जनप्रदर्शनमा कम्तीमा ४० हजार मानिस सहभागी गराउने गरी सिंगो शक्तिपरिच उपत्यकास्थित पार्टी कमिटी र जनसंगठनलाई निर्देशन दिनुभयो । सिंगो शक्ति परिचालन गरी बढीभन्दा बढी जनतालाई सडकमा ल्याउन सवै जनसंगठन र उपत्यकाभित्र रहेका सवै पार्टी कमिटीले बिशेष ध्यान दिनुपर्नै महासचिव पोखेलले बताउनु भयो ।
आन्दोलन परिचालन कमिटीका संयोजक कृष्णगोपाल श्रेष्ठले साउन १६ को जनप्रदर्शन बिशेष रहेकोले उपत्यकाका सवै जनतालाई उतार्न अभियान चलाइएको बताउनु भयो । नेकपा एमाले आन्दोलन परिचालन कमिटीको बिस्तारित बैठकमा बोल्दै एमाले स्थायी कमिटी सदस्यसमेत रहनुभएका संयोजक श्रेष्ठले महंगीबिरुद्धको जनप्रदर्शनलाई सवैको साझा बनाएर अघि जाने योजनासमेत सुनाउनु भयो ।
बैठकमा सवै जनसंगठन, उपत्यकास्थित सवै पार्टी कमिटी र बागमति प्रदेश संगठन कमिटीलाई संख्या नै तोकिएको छ । बैठकमा प्रमुख अतिथि एमालेबरिष्ठ उपाध्यक्ष इश्वर पोखरेलले योजना बनाउने तर कार्यान्वयन नहुने बिगतको प्रबृत्ति यसपटक दोहोरिन नदिनका लागि बिशेष ध्यान दिन निर्देशन दिनुभएको छ ।
