शंकर पोखरेलले भने यो प्रायोजित समाचार हो
नेकपा एमालेका महासचिव शंकर पोखरेलले एम अधिकारीका बारेमा काठमाडौंमा रहेका सञ्चारमाध्यमले प्रायोजित हल्ला मच्चाएको तथ्य औल्याउनु भएको छ । प्रेस चौतारी गण्डकीले पोखरामा आज विहान गरेको पत्रकार सम्मेलनमा बोल्दै महासचिव पोखरेलले यस्तो बताउनु भएको हो । उहाँले एमालेले वक्तव्य जारी गरिसकेपछि आधिकारिक त्यही हो तर राजधानीका फेक न्युज कारखानाको प्रभाव धेरैतिर परेको उहाँको भनाइ छ ।
पोखरेलले भन्नुभयो, ‘एमालेले औपचारिकरुपमै विज्ञप्ति जारी गरिसकेपछि धारणा नै त्यही हो । यो प्रायोजित समाचार हो । गभर्नरमाथिको आक्रमण हो । यो कुरा त बुझौँ न ।’ उहाँले विराटनगरका मनोज अधिकारीलाई नै एम अधिकारी भनिएको स्पष्ट पार्नुभयो ।
