किन जाँदैछन पुष्पकमल दाहाल भारत
सत्तारुढ दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ आज भारत जाँदै छन् । उनी दिउँसो १ बजे नयाँ दिल्ली उड्ने छन् । प्रचण्डको यो भ्रमण आकस्मिक हो । भारतीय दूतावास स्रोतका अनुसार प्रचण्डले ३ दिने भारत भ्रमणमा प्रधानमन्त्री नरेन्द्र मोदीसँग भेट्ने योजना रहेपनि निश्चित भइनसकेको बताइएको छ ।
भारतीय सत्तारुढ दल भाजपा अध्यक्ष जेपी नड्डाको निमन्त्रणामा उनी नयाँदिल्ली जान लागेको सचिवालयले जनाएको छ । भ्रमणका क्रममा प्रचण्ड र भारतका राष्ट्रिय सुरक्षा सल्लाहकार अजित डोभाल, भारतका विदेशमन्त्री एस जयशंकर र विदेश सचिव विनय मोहन क्वात्रासँग पनि भेटवार्ता हुने तालिका रहेको छ ।
चिनियाँ कम्युनिष्ट पार्टीका नेताको नेपाल भ्रमणलगत्तै प्रचण्ड भारत जानुले फरक ढंगले हेरिएको छ । यसै क्रममा सरकारको नेतृत्व गरिरहेको कांग्रेसकी नेतृ एवम् प्रधानमन्त्री शेरबहादुर देउवा पत्नी आरजु राणा भारतकै भ्रमणमा छिन् । विशेष गरी चीनलाई काउन्टर दिने भारतको योजनाअनुरुपको भ्रमण हुनसक्ने राजनीतिक विश्लेषकहरुको भनाइ छ । प्रचण्ड आइतबार स्वदेश फर्कनेछन् ।
