रामेछापमा बस दुर्घटना हुँदा ९ जनाकाे मृत्यु
रामेछापबाट काठमाडौं आउँदै गरेको बस दुर्घटना हुँदा ९ जनाको मृत्यु भएको छ । रामेछापको सुनापति गाउँपालिका- २ हिलेदेविबाट काठमाडौं आउँदै गरेको बा ३ ख ८३९६ नम्बरकाे यात्रुबाहक बस लुभुघाट नजिकै दुर्घटना हुँदा ९ जनाको घटनास्थलमै मृत्यु भएको हो ।
मृत्यु हुनेमा ४ महिला र ५ जना पुरुष रहेको रामेछापका प्रमुख जिल्ला अधिकारी दिपक कुमार पहाडीले बताए । उनले भने मृतकहरुकाे पहिचान खुलेकाे छैन । बसमा ल्याइएकाे खसीबाेकाहरु पनि मरेका छन् ।’ बस सडकबाट ४३ मिटर तल खसेकाे थियाे । बसमा करिब ३० जना यात्रुलाई सवार थिए । २४ जना घाइतेलाई धुलिखेल अस्पताल ल्याइएको उनले बताए । उनका अनुसार घाइतेकाे उद्धारकाे लागि हेलिकप्टर पठाउने तयारी भइरहेकाे छ ।
