एमाले सचिवालय बैठकको यस्ता छन एजेण्डा
स्थानीय निर्वाचनको थप समिक्षा लगायतका विषयमा नेकपा एमालेको सचिवालय बैठक आज बस्दैछ । आज विहान ११ बजे पार्टी केन्द्रीय कार्यालय च्यासलमा बस्ने बैठकमा निर्वाचनको गहन समिक्षा र आगामी निर्वाचनको प्रारम्भिक तयारीका विषयमा छलफल हुने कार्यसूची रहेको छ । यसैगरी बैठकले केही नेताहरुको जिम्मेवारी हेरफेर र विभागहरुमा मनोनयन लगायतका विषयहरुमा छलफल हुने एजेण्डा तय गरिएको छ ।
सचिवालयका एक नेताका अनुसार केही विभागहरुका सचिव पनि आज तोकिदैछन् । पार्टी केन्द्रीय कार्यलयको बैठकले हिजो आजको बैठकका एजेण्डा तय गरे पनि त्यसलाई सार्वजनिक गरेको छैन ।
