गणतन्त्र दिवसमा यस्तो छ एमाले अध्यक्ष ओलीको सन्देश
नेकपा एमालेका अध्यक्ष केपी शर्मा ओलीले बिभिन्न षडयन्त्रका कारण थाँती रहेका राष्ट्रिय समृद्धिका पाइलाहरुलाई उचाइमा पुर्याउन सबै तह र तप्कासँग एमाले सधैं सँगै रहने अठोट गर्नुभएको छ । गणतन्त्र दिवशका अवसरमा आज एक शुभकामना सन्देश जारी गर्दै अध्यक्ष ओलीले सो यस्तो अठोट गर्नुभएको हो ।
उहाँले आफ्नो पार्टी नेकपा एमाले लोकतान्त्रिक, परिवर्तनकारी, विकासमुखी र समृद्ध नेपाल,सुखी नेपालीको आकांक्षा पूरा गर्ने पार्टी भएको पनि प्रष्ट पार्नुभएको छ । ‘जनविरोधी शक्तिहरुका अनुचित दुष्प्रयासले केही समय अवरोध पुर्याए पनि थाती रहेका राष्ट्रिय समृद्धिका पाइलाहरुलाई उचाइमा पुर्याउन सबै तह र तप्कासँग एमाले सधैं सँगै रहने छ,’ अध्यक्ष ओलीको सन्देशमा भनिएको छ ।
अध्यक्ष ओलीले सर्वाेच्च अदालतको परमादेशपछि मुलुकमा संमृछिको यात्रामा अल्पबिराम लागेको पनि बताउनु भएको छ । ‘जनताकको बलिदानीपुर्ण संघर्षले स्थापित भएको लोकतान्त्रिक गणतन्त्रमाथि आज संबिधानले परिभाषित गरेकोराज्यका अंगहरुलाई दुरुपयोग गरी संबिधान र प्रणालीको अतिरिक्त ब्याख्या, अपब्याख्याद्वारा प्रहार गर्ने काम भइरहेको छ । यसले मुलुकको दूरगामी यात्रालाई अल्मल्याउँदै संबिधान र संबैधानिक संस्थाहरुप्रतिको जनताको आस्थामाथि समेतचोट पुर्यायो । फलस्वरुप आज मुलुकको बिकासका सम्पुर्ण कामहरुमा अल्पबिराम लागेका छन र केही बर्षयता सुरु भएको बिकासको राष्ट्रिय बहशको ठाउँ सत्ताशक्तिहरुको अनुचित भागबण्डा, लेनदेन र राज्यस्रोतको दोहनले लिएको छ,’ शुभकामना सन्दशमा ओलीले भन्नुभएको छ ।
अध्यक्ष ओलीले संबिधानसभाबाट जारी भएको संबिधानले मुलुकमा जन्मसिद्ध श्रेष्ठताको सिद्धान्तमा आधारित ब्यवस्था हटाएको उल्लेख गर्नुभएको छ । ‘जननिर्वाचित संविधानसभाले जन्मसिद्ध श्रेष्ठताको सिद्धान्तमा आाधारित राजतन्त्रलाई अन्त्य गरेर जनताको सर्वाच्चताको प्रणालीमा रुपान्तरण गरेको थियो,’ सन्देशमा अध्यक्ष ओलीले भन्नुभएको छ, ‘यस दिनले मुलुकको सार्वभौमसत्ता र राजकीय सत्ताको स्रोत नेपाली जनतामा निहित हुने ऐतिहासिक उपलब्धी हासिल गरेको थियो ।’ यसै परितवर्नत पछि नेपालले संघ, प्रदेश र स्थानीय तहको अभ्यास गरिरहेको अध्यक्ष ओलीको सन्देशमा उल्लेख छ ।
