चाँगुनारायणमा एमालेको जित पक्का : अध्यक्ष देउजा
नेकपा एमालेले चाँगुनारायण नगरपालिकाको प्रमुख पदमा महिलालाई उम्मेदवार बनाएसँगै चुनावी माहोल एकाएक तातेको छ । निवर्तमान उपप्रमुख विणा बाँस्तोलालाई एमालेले नगरप्रमुख बनाए पछि घरदैलो कार्यक्रमलेपनि तिब्रता पाएको छ । उपप्रमुख पदमा एमालेका रमेश बुढाथोकीपनि चुनावी अभियानमा तिब्रताका साथ लागेका छन् । चाँगुनारायण नगरपालिकामा एमालेको जित पक्का भएको भक्तपुर जिल्ला कमिटीका अध्यक्ष वचन देउजाले बताउनु भएको छ ।
नेकपा एमाले भक्तपुर जिल्ला कमिटी अध्यक्ष कमरेड वचन देउजा सहित व्यापक जनसहभागितामा पार्टी नेता कार्यकर्ताको उपस्थितिमा नेकपा एमाले चागुनारायण ८, ९ साविक सुडाल १,२ ,३ को घरदैलो कार्यक्रम भव्य सभ्य रुपमा सन्चालन भैरहेको छ । घर दैलोमा जनतासँग मत माग्दै अध्यक्ष वचन देउजाले एमालेको जीतले नै गाँउ नगरमा विकास र जनतामा खुसी छाउने बताएका छन् । नगरप्रमुख विणा बाँस्तोला र उपप्रमुख रमेश बुढाथोकीले आफ्नो जित पक्का भएको र आफुहरुलाई जनताले पत्याएको बताएका छन् ।
