नेकपा एमालेले आज घोषणापत्र सार्वजनिक गर्ने, कार्यालय पनि सार्ने
वैशाख ३० गते हुने स्थानीय तह निर्वाचनका लागि नेकपा एमालेले आज घोषणापत्र सार्वजनिक गर्दैछ । आज पार्टीको ७४औँ स्थापना दिवस पनि हो । सोही अवसरमा एमालेले घोषणापत्र सार्वजनिक गर्ने तयारी गरेको बताएको छ । आज नै पार्टीको केन्द्रीय कार्यालय पनि सारिँदै छ ।
७३औं स्थापना दिवसको अवसरमा नयाँ पार्टी कार्यालय तुल्सीलाल स्मृति भवन च्यासलमा दिउँसो १ बजे कार्यक्रम राखिएको केन्द्रीय प्रचार विभागका उपप्रमुख विष्णु रिजालले जानकारी दिएका छन् ।
यसैगरी आज, विभिन्न कम्युनिस्ट नेताहरूलाई सम्मान गर्ने तथा विभिन्न दलका नेता तथा कार्यकर्तालाई पार्टीमा पनि प्रवेश गराइने उनको भनाइ छ ।
