मधेशमा एमाले प्रवेशको लहर, माओवादी, कांग्रेस र लोसपामा ठुलै पहिरो
मधेश प्रदेशमा नेकपा एमालेप्रतिको आकर्षण ह्वात्तै बढेको छ । मधेसी जनता एमाले नै आफूहरुको समस्या समाधान गर्ने एम मात्र दल रहेको निश्कर्षमा पुगेपछि स्थानीय तहको निर्वाचनको मिति नजिकिँदै जाँदा सत्तारुढ गठबन्धनमा रहेका चर्चित जनप्रतिनिधिहरु नै एमाले रोज्न थालेका छन ।
यही क्रममा आज महोत्तरीको सम्सी गाउँपालिका अध्यक्ष शेख फारुख एमाले प्रवेश गर्नुभएको छ । नेकपा माओवादी केन्द्रबाट बिजयी बन्नुभएका फारुखी मुलुक र मधेशको समृद्धिमा एमालेको बिकल्प नभएको निश्कर्षसहित आज अध्यक्ष केपी शर्मा ओलीको बालकोटस्थित निवासमै पुगेर एमाले प्रवेश गर्नुभएको हो ।
उहाँसँगै लोसपाबाट निर्वाचित जलेश्वर नगरपालिकाकी उपमेयर मनचुन देवी, महोत्तरी जिल्ला कमिटी सदस्य बिश्वेश्वर महतो पनि एमाले प्रवेश गर्नुभएको छ । यसैगरी नेपाली कांग्रेसका चर्चित नेताहरु रामगोपालपुर नगरपालिका ४ का वडाध्यक्ष उमेश महतो, वडा नं ४ का वडाध्यक्ष जयनारायण मण्डल र लोहारपट्टी नगरपालिका ८ का वडाध्यक्ष रामबाबु यादव पनि एमाले प्रवेश गर्नुभएको छ । यस्तै माओवादी केन्द्रबाट निर्वाचित रामगोपालपुर नगरपालिका ८ का रामबिलास मण्डल आज बालकोट पुगेर एमाले प्रवेश गर्नुभएको छ ।
एमाले रोजेका सवै नेताले केपी ओली र एमालेको बिकल्प अव नरहेको तथ्य प्रमाणित भइसकेकोले समृद्धिको सपना पूरा गर्न एमाले रोजेको बताउनु भएको छ । उहाँहरुसहित सिंगो टीमलाई एमाले अध्यक्ष ओलीले खादा लगाएर पार्टीमा स्वागत गर्नुभएको छ ।
