धादिङमा कांग्रेसको १२ नेता एमालेमा प्रवेश
नेपाली कांग्रेस घादिङका १२ नेता नेकपा एमाले प्रवेश गरेका छन । नेकपा एमालेका युवा नेता बाबु छत्कुलीका अनुसार नेपाली कांग्रेसमा क्रियाशिल रहेका नेत्रावती गाउँपालिका र निलकण्ठ नगरपालिकाका नेताहरू एमाले प्रवेश गरेका हुन ।
छत्कुलीका अनुसार नेपाली काँग्रेसबाट वडा अध्यक्षको उम्मेदवार बनेका नेत्रावती डबजोङ गाउँपालिका वडा नं. ५ का कालू गुरुङ सहित निलकण्ठ नगरपालिका वडा नम्बर १३ का रोशन गुरुङ, दिपक गुरुङ, अनिल गुरुङ, विकास गुरुङ, प्रेम गुरुङ, राजेश गुरुङ, विकास दाहाल, प्रदिप तामाङ, रामुसिंह तामाङ, सञ्चु घले र सन्तु घले रहेका छन ।
कांग्रेस छाडेर नेकपा एमालेका प्रवेश गरेका नेताहरूलाई नेकपा एमालेका महासचिव शंकर पोखरेल, एमाले बागमती प्रदेशका इन्चार्ज काशिनाथ अधिकारी, धादिङका अध्यक्ष भूमि त्रिपाठी लगायतले स्वागत गरेका थिए ।
