पेट्रोलियम पदार्थको मूल्य इतिहासकै सवैभन्दा उच्च
सरकारले फेरि पेट्रोलियम पदार्थको मूल्य बढाएको छ । प्रधानमन्त्री शेरबहादुर देउवा आफैले नेतृत्व गर्नुभएको बाणिज्य मन्त्रालय अन्तर्गतको नेपाल आयल निगमले आजबाट लागू हुने गरि पेट्रोल, डिजेल र मट्टीतेलको मुल्य बढाएको हो ।
निगमले पेट्रोल, डिजेल र मट्टीतेलमा प्रतिलिटर ३ रूपैयाँ मुल्य बढाएको छ । निगमका अनुसार अब पेट्रोल प्रतिलिटर १४५ रूपैयाँ पुगेको छ । डिजेल र मट्टितेलको मूल्य १२८ रुपैयाँ कायम गरिएको छ । ग्यासमा मूल्य नबढाइएको निगमले जानकारी दिएको छ ।
अन्तर्राष्ट्रिय बजार मूल्य अनुरूप प्रति लिटर पेट्रोल रु. ५.६१ ले बढेको, डिजेल रु।५.६२ ले बढेको र हवाई इन्धन रु. ४।९५ ले बढेर आएको र यस अनुरूप निगमलाई १५ दिनमा करीब रू। २ अर्ब ४० करोड घाटा हुने अवस्था रहेका कारण मूल्य बढाउन परेको निगमको भनाइ छ ।
