सर्वदलीय बैठकमा एमाले नजाने
सभामुख अग्निप्रसाद सापकोटाले आज सर्वदलीय बैठक बोलाउनुभएको छ । बैठकमा एमाले सहभागी नहुने प्रमुख सचेतक विशाल भट्टराईले जानकारी दिनुभयो ।
सभामुख सापकोटाको सचिवालयका अनुसार दिउँसो २ बजे संसदमा प्रतिनिधित्व गर्ने दलहरुको बैठक बोलाइएको हो । प्रधानन्यायाधीश चोलेन्द्रशमशेर जबराविरुद्ध संसद सचिवालयमा सत्ता गठबन्धनका सांसदहरुले महाअभियोग प्रस्ताव दर्ता गराएपछिको घटनाक्रमबारे छलफल गर्न सभामुख सापकोटाले सर्वदलीय बैठक बोलाउनुभएको हो ।
आफ्नो पार्टी विभाजनमा सभामुख सापकोटाले भूमिका खेलेको आरोप लगाउँदै आएको प्रमुख विपक्षी दल एमालेले भने सर्वदलीय बैठकमा नजाने बताएको छ ।
