एमालेको एक्लै बहुमत आँउछ : अध्यक्ष ओली
नेकपा एमालेका अध्यक्ष केपी शर्मा ओलीले अबको निर्वाचनमा पनि एमाले नै ठूलो पार्टी हुने बताएका छन् ।
शुक्रबार पार्टीले सातै प्रदेशमा सुरु गरेको स्थानीय तह निर्वाचन केन्द्रीत प्रशिक्षण तथा अभिमुखिकरण कार्यक्रमको भर्चुअल माध्यमबाट उद्घाटन गर्दै ओलीले यस्तो बताएका हुन् ।
वि. सं. २०७४ मा गठबन्धनसँग लड्दा पनि एमाले नै ठूलो पार्टी भएको बताउँदै अध्यक्ष ओलीले अबको निर्वाचनमा पनि एमाले नै ठूलो पार्टी हुने बताए ।
त्यस्तै, उनले सरकारले निर्वाचन नगराउने षड्यन्त्र गर्न सक्ने भन्दै सजग रहन समेत आग्रह गरेका छन् । त्यस्तै, उनले कसैले पनि बत्ती निभाएर र मतपत्र च्यातेर निर्वाचन जित्ने सपना नदेख्ने पनि चेतावनी दिएका छन् । उनले माओवादी तर्फ संकेत गर्दै यस्तो बताएका हुन् ।
