प्रचण्डले ओलीलाई फोनमा भने मलाई सहयोग गर्नुपर्यो
नेकपा माओवादी केन्द्रका अध्यक्ष पुष्पकमल दाहाल प्रचण्डले अमेरिकी सहयोग मिलेनियम च्यालेञ्ज कर्पाेरेशन (एमसीसी) को बिषयमा निर्णय गर्न भन्दै नेकपा एमालेका अध्यक्ष केपी शर्मा ओलीसँग फोन सम्वाद गर्नुभएको छ । माओवादी अध्यक्ष प्रचण्डले बिहीवार साँझ एमाले अध्यक्ष ओलीसँग टेलिफोन सम्वाद गर्नुभएको हो ।
एमाले केन्द्रीय प्रचार बिभागका उपप्रमुख बिष्णु रिजालका अनुसार प्रचण्डले ‘एमसीसीमा तपाईंले निर्णय नगरी भएन’ भन्दै हिजो सॉझ माओवादी केन्द्रका अध्यक्ष दाहालले फोन गर्नुभएको र अध्यक्ष ओलीले स्पष्ट शब्दमा जवाफ दिनुभएको छ ।
‘एमसीसीमा तपाईंले निर्णय नगरी भएन’ भन्दै हिजो सॉझ माओवादी केन्द्रका अध्यक्ष पुष्पकमल दाहालले फोन गर्दा हाम्रो पार्टीका अध्यक्ष केपी ओलीले स्पष्ट शब्दमा भन्नुभएको छ, ‘तपाईंहरूले पहिले केपी ओलीलाई हटाएपछि पारित गर्छौं भनेर बचन दिनुभएको छ, हटाइसकेपछि ‘४-५ महिनामा पारित गर्छौं’ भनेर लिखित कागज नै गर्नुभएको रहेछ । अहिले सत्ता चलाइरहनुभएको छ, प्रतिनिधिसभामा १ सय ६५ सदस्य छन् । पहिले आफूले निर्णय गर्नुस, नेकपा (एमाले) त निर्णय गरिहाल्छ,’ उपप्रमुख रिजालले अध्यक्षद्वयको संवाद उधृत गर्दै भन्नुभयो ।
