निर्वाचन केन्द्रीत भर्चुअल सम्बोधन गर्दै अध्यक्ष ओली
नेकपा एमालेका अध्यक्ष केपी शर्मा ओलीले भोली स्थनीय तहको निर्वाचनका बिषयमा पार्टीका केन्द्र र प्रदेशका नेताहरुलाई भर्चुअल सम्बोधन गर्नुहुने भएको छ ।
प्रचार विभागका उपप्रमुख विष्णु रिजालका अनुसार पार्टीले आयोजना गर्न लागेको स्थानीय तह निर्वाचन तयारी केन्द्रीत प्रशिक्षण तथा अभिमुखिकरण कार्यक्रमको तयारी स्वरुप भोलीको कार्यक्रम हुन लागेको हो ।
भुर्चअल बैठकमा केन्द्रीय कमिटीका पदाधिकारी,सदस्यहरु,प्रदेश कमिटीका पदाधिकारी,संघीय र प्रदेश सभासदस्यहरु र जिल्ला कमिटीका पदाधिकारी एवं प्रशिक्षणका लागि तोकिएका सहभागी हुनुहुनेछ । एमालेले पार्टी अध्यक्षको भर्चुअल सम्बोधन देशभर सुन्न सकिने ब्यवस्था गरेको जनाएको छ ।
महासचिव शंकर पोखरेलले वर्तमान परिस्थिति र स्थानिय तहको निर्वाचनको तयारीका सन्दर्भमा आज दिउसो १ बजे पार्टी अध्यक्ष ओलीले भर्चुअल माध्यमवाट प्रशिक्षण मुलक मन्तव्य सहित प्रदेशस्तरमा हुनगइरहेको प्रशिक्षण कार्यक्रमको शुभारम्भ गर्नुहुने बताउनु भएको छ ।
महासचिव पोखरेलका अनुसार आईडि प्राप्त भएका सबै सहभागिहरु १२.३० देखि प्रत्यक्षरुपमा जोडिनेछन भने जिल्ला कमिटीहरुले एकै ठाउमा वसेर सुन्ने व्यवस्था मिलाउन सक्नेछन । अन्यले दिउसो १ बजेवाट सुरुहुने लाईभ कार्यक्रम पार्टीको फेसवुक पेज लगायत अन्य माध्यमवाट हेर्न र सुन्न सक्नेछन ।
