देउवा र प्रचण्डमाथि कारवाही गर्न भीम रावलको माग
नेकपा एमालेका नेता भीम रावलले प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डलाई कारवाहीको माग गरेका छन् ।
मिलेनियम च्यालेन्ज कर्पोरेसन (एमसीसी) मुख्यालयलाई पत्र लेखेकोबारे उनीहरुमाथि छानबिन गरेर कारवाही हुनुपर्ने नेता रावलको माग रहेको छ ।
अन्तर्राष्ट्रिय सम्बन्ध समितिको सोमबार बसेको बैठकमा रावलले एमसीसी पारित गर्ने पत्र लेख्नु आपत्तिजनक रहेको बताए । ‘कसरी कूटनीतिलाई कमजोर बनाइँदैछ र देशको स्वाभिमानमा धक्का पुग्दैछ भन्ने यो नमुना हो,’ उनले भने ।
