प्रधानमन्त्री देउवा र प्रचण्डबीच भनाभन, गठबन्धनमा खटपट
सधै दोहोरो भुमिकामा रहेर जनतालाई अन्यौतामा राख्न खोज्ने नेकपा माओवादी केन्द्रका अध्यक्ष पुष्पकमल दाहालको दोहोरो चरित्र उदांगो पारिदिएपछि प्रधानमन्त्री शेरबहादुर देउवासँग फोनमा चर्काचर्की कुरा गर्नुभएको छ । देउवाले आफू निकटका पत्रकार खगेन्द्र भण्डारी मार्फत दुबै नेताले एमसीसीमा पठाएको पत्र सार्वजनिक गरिदिएपछि प्रचण्ड आफ्नो दोहोरो चरित्र उदांगो पारिदिएको भन्दै देउवासँग झोक्किनुभएको हो ।
उहाँले एमसीसीका बारेमा पार्टीका नेता र नागरिकमा भ्रम छरेर बस्नुभएको थियो । एमसीसीलाई सम्झौता संसदबाट अनुमोदन गराउने भन्दै हस्ताक्षर नै गरेर पत्र लेखेका प्रचण्डले भने कार्यकर्ता र जनताको बीचमा एमसीसी पारित गर्ने सम्भावना नभएको बताउँदै आफ्नौ पार्टीका नेता कार्यकतालाई समेत भ्रममा राख्नुभएको थियो । एमसीसीमा आफूले गरेको प्रतिवद्धताको गोप्य पत्र चुहाएको भन्दै प्रधानमन्त्री देउवासँग सरकार छोड्नेसम्मको चेतावनी दिनुभएको हो ।
अति गोप्य भनिएको उक्त पत्र प्रधानमन्त्री कै योजनामा सावर्जनिक भएको थियो । यसैबीच प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीबीच आज बालुवाटारमा छलफल हुने भएको छ । स्थानीय तहको निर्वाचनको मिती र एमसीसीका बारेमा छलफल हुने स्रोतले जनाएको छ । प्रधानमन्त्री देउवाको आग्रहमा अध्यक्ष ओली बालुवाटार जान लाग्नु भएको हो । छलफल अपरान्ह ४ बजे हुने जनाइएको छ ।
