प्रेस काउन्सिलको वर्गिकरण नतिजाबाट स्वरोजगारमुखी सञ्चारमाध्यम उत्साहित

हाम्रो इकोनोमि

 

 

 नेपालको छापामाध्यमबाट प्रकाशित स्वरोजगारमुखी सञ्चारमाध्यमको ऐतिहासिक पृष्ठभूमि रहेको छ । नेपालको राजनीति परिवर्तन गराउँन उल्लेखनिय भूमिका निर्वाह गरेका स्वरोजगारमुखी सञ्चारमाध्यामबाट प्रकाशित पत्रपत्रिकाहरुको वार्गिकरण प्रेस काउन्सिल नेपालले गर्दै आएको छ । प्रेस काउन्सिल नेपालले यस पटक प्रकाशित गरेको नतिजाबाट स्वरोजगारमुखी सञ्चारमाध्यमका सञ्चालकहरु उत्साहित बनेका छन् । सधै विवादित हुने काउन्सिलको वर्गिकरण नतिजा यस पटक विवाद रहित बनेपछि स्वरोजगारमुखी सञ्चारमाध्यमका सञ्चालक उत्साहित बनेका हुन ।

नेपालको आर्थिक, सामाजिक र राजनीतिक परिवर्तनमा महत्वपूर्ण भूमिका निर्वाह गरेका र लामो समय देखि थाती रहेको संपरिक्षणको नतिजा प्रकाशित नहुँदा स्वरोजगारमुखी संचारमाध्यम साप्ताहिक, अर्ध साप्ताहिक, दैनिक, मासिक, पाक्षिक पत्र–पत्रिका मर्कामा पर्दै आएका थिए । निकै लामो समयदेखि नतिजा प्रकासन नहुँदा कोरोनाको महामारीमा पर्दै जेनतेन प्रकासित भइरहेका पत्रपत्रिकाहरुले यो नतिजाबाट राहत महशुस गरेका छन् । विगत ३ बर्ष देखि विभिन्न कारणले उक्त संपरिक्षणको नतिजा रोकिएको थियो । आर्थिक वर्ष २०७५÷०७६ र ०७६÷०७७ काे नतिजा प्रकासित भएबाट पहिले जस्तो विवादका स्वरहरू अहिले बन्द भएका छन् ।

यस पटकको नतिजाले २ वटा कुरालाई विशेष प्राथमिकता दिएको देखिन्छ । पहिलो कोरोना महामारीले प्रभाव परेका पत्रपत्रिकालाई राहत मिलेको आभास भएको छ भने दोस्रो स्वरोजगारमुलक अखबारलाई विषेश प्राथमिकता दिएर संपरिक्षण समितिको वर्गिकरण नतिजा प्रकाशित हुनुले पनि यो नतिजालाई महत्वका साथ हेरिएको छ । काउन्सिलको यस पटकको नतिजा सन्तुलित भएको स्वरोजगारमुखी सञ्चारमाध्यमका सञ्चालकहरुको भनाई छ । पहिले जस्तो पूर्वाग्रही ढंगले नतिजा प्रकाशित नभएको हुँदा यसलाई सन्तोषजनक मान्नु पर्ने एक वरिष्ठ पत्रकारले जानकारी दिए ।

विवाद रहित नतिजा प्रकाशित गर्न सफल भएकोमा काउन्सिलका अध्यक्ष बालकृष्ण बस्नेत लगायत काउन्सिल परिवारलाई स्वरोजगार मुखी सञ्चार माध्यमका सञ्चालकहरुले बधाई समेत दिएका छन । संपरिक्षण समितिले मापदण्ड अनुुरूप कागजात नपुगेका तथा धेरै नै कपि पेस्ट भएका ४५ वटा पत्रपत्रिका बाहेक देशभरका ८३३ वटा पत्रपत्रिकाहरुलाई २ वर्षको अर्थात आ.व. ०७५÷०७६ र ०७६÷०७७ को वर्गिकरण नतिजा प्रकाशित भएकाे छ ।