स्थानीय तहको निर्वाचन मिति घोषणा गर : महासचिव पोखरेल
नेकपा एमालेका महासचिव शंकर पोखरेलले स्थानीय तहको निर्वाचन मिति अविलम्ब घोषणा गर्न सरकारलाई सचेत गराउनु भएको छ । सत्तारुढ गठबन्धनले चुनाव सार्ने षडयन्त्र गरिरहेको बेला जनदवावका कारण जेठभित्रै निर्वाचन गर्ने सहमति गरेपनि सरकारले निर्वाचनको मिति घोषणा नगरेपछि महासचिव पोखरेलले तत्काल निर्वाचनको मिति घोषणा गर्न ध्यानाकर्षण गराउनु भएको हो ।
सामाजिक सञ्जालमार्फत महासचिव पोखरेलले निर्वाचन आयोगको सिफारिस, संविधानको मूल मर्म र स्थानीय निर्वाचन ऐन– २०७३ को व्यवस्थाबमोजिम चुनाव गर्न सरकार र सत्ता गठबन्धनलाई सुझाउनु भएको हो ।
‘निर्वाचन आयोगको सिफारिस, संविधानको मूल मर्म र स्थानीय निर्वाचन ऐन– २०७३ को प्रबन्धअनुसार स्थानीय तह निर्वाचनको मिति अविलम्ब घोषणा गर,’ एमाले महासचिव पोखरेलले भन्नुभएको छ ।
