फेरी बिवादमा परे महरा
रोशनी शाहीले नेकपा माओवादी केन्द्रका प्रवक्ता कृष्णबहादुर महरालाई फेरि विवादमा तान्न थाल्नुभएको छ । उहाँले महराले जेलबाट छुटाउन गरेको बाचा कसमको रेकर्ड आफूसँग सुरक्षित रहेको दावी गर्नुभएको छ । आज सामाजिक सञ्जालमा रोशनीले दुनियाँले आफूलाई महरासँग करोड खाएको भनिरहँदा त्यसबारे महराले पुष्टि गर्नुपर्ने लेख्नुभएको छ ।
उहाँले पछिल्लो समय महराविरुद्ध पोष्ट समेत गर्नुभएको छ । महराविरुद्ध यौन दुर्व्यवहारको अभियोग दर्ता गरेकी रोशनीले पछि आफै छुटाउन सक्रिय हुनुभएको थियो ।
रोशनीको बयानका आधारमा महरा छुट्ने अवस्था बनेको थियो । सामाजिक सञ्जालमा रोशनीले लेख्नुभएको छ,‘महराले जेलबाट छुटाउन गरेको बाचा कसम राहुलले गरेका मसंग छुटाईदिनुपर्यो भनेर गरेका कुराहरुको रेकर्ड मेसेज सुरक्षित छ, दुनियाले मलाई महरासंग करोड खाको कुरा महराले दुनियासंग भन्नुपर्छ मैले कति खाए भनेर पुष्टि गर्नुपर्यो ।’
