५ करोडको छात्रबृदि भएको भर्चुअल एडुफेयर २०२२ सुरु
कक्षा १२ उत्तीर्ण विद्यार्थी र तिनका अभिभावकहरुलाई कलेज र स्नातक तहका कोर्सहरु बुझ्न सहज बनाउने उद्देश्यले राजधानीमा ‘भर्चुअल एडुफेयर’ सुरु गरिएको छ।
कलेज रिडर्स म्यागेजिनको आयोजनामा सोमबारबाट सुरु ‘भर्चुअल एडुफेयर’ को पोखरा बिश्वविद्यालयका उपकुलपतिले उद्घाटन गरेका हुन । काठमाडौंको अल्फा हाउसमा सन्चालन भइ रहेको ‘भर्चुअल एडुफेयर २०२२’मा उपत्यका भित्र र बाहिरका १०० भन्दा धेरै कलेजको बारेमा जानकारी दिईने आयोजकले जनाएको छ।१५ दिनसम्म चल्ने एडुफेयर्बाट प्रत्यक्ष फाइदा १२ कक्षा उतीर्ण विद्यार्थीहरुले लिन सक्ने छन् ।
‘भर्चुअल एडुफेयर २०२२’मा ५ करोड बराबरको छात्रबृदिको समेत व्यवस्था गरेको छ । कार्यक्रमको भर्चुअल टुर अन्तर्गत ३६० डिग्रीको क्यामेराले कलेजको सम्पुर्ण भागको फोटो समावेश गरिएको छ । जहाँबाट कलेजको शैक्षिक अवस्था,कक्षा कोठाका साथै सम्पुर्ण अवस्थाको बारेमा जानकारी लिन सकिने छ । जसले गर्दा विद्यार्थीहरुले घरमा नै बसि आफुले चाहेको जस्तो कलेज छनोट गर्न सक्ने छन् । ‘भर्चुअल एडुफेयर २०२२’मा कलेजको भर्चुअल भ्रमण, अनलाईन आवेदन भर्ने अन्तरक्रिया,विज्ञहरुसँगको छलफल जस्ता कार्यक्रमहरु समाबेश गरिएको छ ।
