नागरिक उन्मुक्ति पार्टी’ दर्ता गर्न निर्वाचन आयोगमा रेशम चौधरीका समर्थक
‘नागरिक उन्मुक्ति पार्टी’ दर्ता गर्न निलम्बित सांसद रेशम चौधरी समर्थकहरू बाजागाजासहित निर्वाचन आयोग पुगेका छन् । कैलाली टीकापुर घटनामा दोषी ठहर भई कैद भुक्तान गरिरहेका चौधरीले जेलमा रहँदा नै पार्टी दर्ता गर्न लागेका हुन् । त्यसो त उनले जेलमा रहँदा नै वारिसबाट उम्मेदवारी दिएर प्रतिनिधिसभा सदस्यमा निर्वाचित भएका थिए ।
भृकुटीमण्डपमा भेला भएर उनीहरू बाजागाजासहित आयोग पुगेका हुन् । पछिल्ला केही दिनयता चौधरीको रिहाइको माग राखेर काठमाडौंमा प्रदर्शन भइरहेको छ । कैलाली–१ बाट प्रतिनिधिसभा सदस्यमा निर्वाचित चौधरी टीकापुर घटनामा दोषी ठहर गरेपछि उनी अहिले पनि कैद भुक्तानका लागि कारगारमा छन् ।
