उपमहासचिव नपाएपछि उपाध्यक्षमा चुनाव लडेका थिए घनश्याम

 

 

नेकपा एमालेको १० औं राष्ट्रिय महाधिवेशनमा उपाध्यक्षमा पराजित नेता घनश्याम भूसालले उपमहासचिवमै दोहोरिने इच्छा राखेको एक नेताले खुलासा गरेका छन । नवनिर्वाचित उपाध्यक्ष सुरेन्द्र पाण्डेले एक टेलिभिजन अन्तर्वार्तामा भूसालले उपमहासचिवमै दोहोरिने इच्छा राखेको खुलासा गरेका हुन । ‘घनश्याम भूसालले फेरि पनि उपमहासचिवमै रहने भन्नुभएको थियो, तर अध्यक्ष केपी शर्मा ओलीले टिम बनाउँदा उहाँ पर्ने स्थिति रहेन, त्यसपछि उपाध्यक्षमा उम्मेदवारी दिनुभयो ।’ पाण्डेको भनाइ थियो ।

अध्यक्षमा पराजित भीम रावललाई भने ओलीले उपाध्यक्षमा व्यवस्थापन गर्न चाहेको पाण्डेको भनाइ छ । अध्यक्ष मण्डलका अध्यक्ष ओलीले रावललाई उपाध्यक्षमा राखे पनि अस्वीकार गरेपछि चुनावको स्थिति बनेको थियो । तर, सर्वसम्मत प्रस्तावलाई चुनौति दिने रावलसहित पदाधिकारीमा भूसाल, भीम आचार्य र टंक कार्की पराजित भएका थिए ।