केन्द्रीय सदस्यमा उम्मेदवारी दर्ताबारे सोलुका नेताहरू छलफल गर्दै
नेकपा एमालेको जारी दसौं महाधिबेशनमा केन्द्रीय सदस्य पदका लागि सोलुखुम्बुबाट पनि उम्मेदवारी दर्ता हुने सम्भावना बढेको छ। आईतवार राती सर्बसम्मत नेतृत्व चयनका लागि प्रस्तावित पदाधिकारी तथा सदस्यको सूचीमा जिल्लाबाट कसैको नाम नसमेटिएपछी सोलुखुम्बुबाट पनि उम्मेदवारी दर्ता गर्ने बिषयमा छलफल भइ रहेको एक महाधिवेशन प्रतिनिधिले बताएका छन् ।
सोलुखुम्बुबाट यसपटक पूर्ब अध्यक्ष मानबीर राईलाई केन्द्रीय सदस्यको उम्मेदवार बनाउने भन्ने साझा निर्णय थियो।तर अध्यक्ष ओलीले सर्बसम्मत नेतृत्वका लागि केन्द्रीय सदस्यको सूची सार्बजनिक गरेपछि जिल्ला नेताहरुबीच छलफल भइ रहेको राईले बताए ।यस सम्बन्धमा मूल नेतृत्वसंग एकचरण सल्लाह गरेर उम्मेदवारी दर्ताबारे निर्णयमा पुग्ने उनको भनाई छ।
अध्यक्ष ओलीले यसअघि तीन सय १ केन्द्रीय सदस्यको सूची सार्बजनिक गरेका थिए।सार्बजनिक पदाधिकारीको सूचीमा नअटाएका नेताहरुले अहिले धमाधम निर्बाचनका लागि उम्मेदवारी दर्ता गराई रहेका छन् ।
