एमालेलाई यसरी शत्तिशाली बनाए युवा नेता बस्नेतले
नेकपा एमालेका युवा नेता महेश बस्नेत अहिले देशको युवाहरुको ढुकढुकी बन्न सफल भएका छन । नेकपा एमालेको १० औं महाधिवेशनमा युवाहरुको नारा जो देखियो त्यो महेश बस्नेतले सुरु गरेको नाराको नै निरन्तरता हो । ओली सरकारबाट जब सडकमा झरे त्यसबेला नेता महेशले केपी ओली आई लाभ यु, केपी ओली उइ लभ यु भन्ने नाराको शुरुवाद गरेका थिए । त्यही नारा आज देशभरका युवाहरुको मुख मुखमा झुण्डिएको छ र आज ओली शत्तिशाली हुनुमा युवा नेता युवाका ढुकढुकी महेश बस्नेतको नै ठुलो योगदान छ ।
जनयुद्धका नाममा माओवादीले एमालेका ३ सय कार्यकर्ताको हत्या गरेको र पछि वाइसिएलका नाममा आतंक मच्चाएको बेला यूथ फोर्स बनाएर देशैभरी युवा परिचालन गरेर कार्यकर्ताको संरक्षण गरेको देखि हालसम्म महेश बस्नेत एक खम्बाको रुपमा उभिरहे। पुस ५ पछाडि देशैभरी केपी ओलीका विरुद्ध अनेक अफवाह फैलाउँदा त्यसलाई चिर्न देश दौडाहामा निस्किएका बस्नेत एमालेको हिरोको रुपमा उदाए । ‘संसद विघटन गर्ने तत्कालिन प्रधानमन्त्री ओलीको पक्षमा बस्नेतले युवा संघ परिचालन गरेर देशैभरी ओलीको कदमको पक्षमा माहोल बनाँएका थिए। उनले एमालेको घटेको मनोबललाई उचो बनाएरै छाडे ।
युवा संघको अध्यक्ष हुँदा होस वा एमालेको केन्द्रीय सदस्य हुँदा महेश बस्नेतले एमालेका पक्षमा बनाएको माहोल र भविष्यमा एमालेमा उर्जावान युवाहरुको प्रवेशका लागि रोल मोडल नेतृत्वको भुमिका बनाउन महेश एमालेका लागी एक खम्बा र निडर नेताको रुपमा उदाएका छन । माधव नेपालको असक्षम नेतृत्वले एमाले तेस्रो दलमा खुम्चिएका बेला देशैभरी युवा अभियान चलाएर एमाले कार्यकर्ताको मनोवल उकास्ने काम महेशले नै गरेका थिए । माधव नेपाल र झलनाथ खनालको नेतृत्वले पार्टीलाई विघटनको दिशातिर लगेको बेला केपी शर्मा ओलीलाई अध्यक्ष र प्रधानमन्त्री बनाएर एमालेलाई पहिलो पार्टी बनाउने काम उनकै नेतृत्वमा भएको थियो ।
