एमालेका शीर्ष नेताहरू आजदेखि चितवन जाने

 

 

एमालेको उद्घाटन र बन्दसत्रको तयारीबारे मूल आयोजक समितिले बुधबारबाट कमाण्ड लिने भएको छ । समितिका संयोजक रामबहादुर थापा बादल, सह–संयोजक सुरेन्द्र पाण्डे, प्रचार विभाग प्रमुख योगेश भट्टराई, प्रचार विभाग उप–प्रमुख सूर्य थापा, बागमती प्रदेश अध्यक्ष आनन्द पोख्रेल चितवन गएर तयारीको कमाण्ड लिनेछन् ।

उनीहरू बुधवारदेखि चितवनमै रहने एमाले नेता रामप्रसाद न्यौपानेले जानकारी दिएका छन् । पार्टी अध्यक्ष केपी ओली लगायतका नेताहरू भने बिहीबार चितवन पुग्ने छन् । चितवनमै एमाले केन्द्रीय कमिटिको अन्तिम बैठकको तयारी भइरहेको छ । १० गते नारायणी नदी किनारमा १०औं राष्ट्रिय महाधिवेशनको उद्घाटन सत्र सुरु हुनेछ । बन्द शत्र भने सौराहमा गर्ने तयारी भइरहेको छ ।