केपी ओलीलाई ‘फादर अफ द नेशन’को रूपमा युवाले स्विकारिसके : महेश बस्नेत
नेकपा (एमाले) का केन्द्रीय सदस्य तथा पूर्वमन्त्री महेश बस्नेतले एमाले अध्यक्ष तथा पूर्वप्रधानमन्त्री केपी शर्मा ओलीलाई युवाहरूले ‘फादर अफ द नेशन’का रूपमा स्विकारिसकेको बताएका छन् ।
पार्टीको दशौं राष्ट्रिय महाधिवेशनका लागि सचिव पदमा उम्मेदवारी घोषणा गर्दै उनले पार्टी अध्यक्ष केपी शर्मा ओली नै दशौं महाधिवेशनबाट सर्वसम्मत् अध्यक्ष हुने पनि दाबी समेत गरेका छन् । ‘हाम्रो अध्यक्ष केपी ओलीलाई ‘फादर अफ द नेशन’को रूपमा युवाहरुले स्विकार गरेका छन्, यो महाधिवेशनले उहाँलाई नै सर्वसम्मत अध्यक्ष बनाउँछ भन्नेमा म विश्वस्त छु,’ उनले भने ।
