बरिष्ठ उपाध्यक्षमा उम्मेद्वारी दिने सुवास नेम्वाङको घोषणा
नेकपा एमाले स्थायी कमिटी सदस्य तथा संसदीय दलका उपनेता सुवासचन्द्र नेम्वाङले चुनाव भए वरिष्ठ उपाध्यक्षमा उम्मेदवारी दिने घोषणा गर्नुभएको छ । आकांक्षीहरुको संख्या बढेसँगै महाधिवेशन निर्वाचनतर्फ केन्द्रित भएकाबेला नेम्वाङले वरिष्ठ उपाध्यक्ष पदमा उम्मेदवारी दिने घोषणा गर्नुभएको हो । अध्यक्षमा भीम रावलको उम्मेदवारी घोषणपछि दोस्रो वरीयताको नेतृत्व दाबी गर्ने नेम्वाङ अर्को हेबिवेट नेता हुनुभएको छ । बरिष्ठ उपाध्यक्षमा महासचिव इश्वर पोखरेल पनि आकांक्षी हुनुहुन्छ । तर अहिलेसम्म केही घोषणा गर्नुभएको छैन ।
नेम्वाङले अध्यक्षमा केपी शर्मा ओलीको विकल्प नभएको बताउँदै वरिष्ठ उपाध्यक्षमा दिने घोषणा गर्नुभएको हो । एमाले विधानअनुसार ६८ वर्षीय नेम्वाङले अर्कोपटक नेतृत्व दाबी गर्न मिल्दैन ।
