प्रधानन्यायाधीशमाथी महाअभियोग लगाउने तयारी
सभामुख अग्निप्रसाद सापकोटालाई भेट्न नेपाल नेपाल बार एसोसिएशनको टोली सिंहदरबार पुगेको छ । सर्वोच्च अदालतमा देखिएको समस्या समाधान गर्ने पहलकदमी लिन आग्रह गर्दै सभामुख सापकोटालाई भेट्न बारका अध्यक्ष पूर्णमान शाक्यसहितको टोली केहीबेरअघि सिंहदरबार पुगेको हो ।
प्रधानन्यायाधीश चोलेन्द्र शमशेर जबराको राजीनामा माग गर्दै आएको बारले आजै संसद्मा रहेका विभिन्न राजनीतिक दलहरुलाई ज्ञापनपत्र एवं ध्यानाकर्षण पत्र बुझाउने बताइएको छ ।
प्रधानन्यायाधीश जबराले न्यायिक क्षेत्रमा भ्रष्टार बढाएको, मन्त्रिपरिषद्मा भागबण्डा खोजेको, न्यायिक सुधार गर्न नसकेकोलगायत आरोप लगाउँदै नेपाल बार एसोसिएशनले करिब ४ हप्तादेखि आन्दोलन गर्दै आएको छ ।
आन्दोलनबाट नडगमगाएका प्रधानन्यायाधीशलाई महाअभियोग लगाउन आग्रह गर्दै बारले संवैधानिक व्यक्ति र राजनीतिक दलहरूसँगकोे भेटवार्तालाई तीव्रता दिन थालेको छ ।
