मालेका चार केन्द्रीय सदस्य नेकपा एसमा प्रवेश

 

 

नेकपा (माले)का चार केन्द्रीय सदस्यले राजीनामा दिएका छन् । बिहीबार संयुक्त विज्ञप्ति जारी गरेर केपी शर्मा फुँयाललगायत चार जनाले पार्टीबाट राजीनामा दिएको जनाएका हुन् ।

पार्टी छाड्नेमा खोटाङबाट केन्द्रीय समितिमा रहेका फुयाल र श्यामराज राई, सिरहाका कालीप्रसाद यादव र तनहुँका शंकर पोखरेल छन् । माले पछिल्लो समय वैचारिक र सैद्धान्तिक हिसाबले बिचलित भएकाले छाड्नु परेको पूर्वसांसद समेत रहेका फुयालले बताए ।

माले छाड्न साथ नेकपा (एस)मा समाहित भएको समेत फुयालले बताए । उनले खोटाङ, तनहुँ र स्याङ्जा नेकपा (माले) जिल्ला कमिटीका सबै पदाधिकारी नेकपा (एस)मा समाहित भएको समेत बताए ।