नेपाल बारभित्रै वकिलबीच कुटाकुट
प्रधानन्यायाधीश चोलेन्द्र शमशेर जबराका समर्थक र विरोधी कानून ब्यवसायी (वकिल) बीच आज नेपाल बारभित्रै कुटाकुट भएको छ । सर्वाेच्च अदालतमा न्यायाधीशहरुले गरेको गैरकानूनी हडताल र प्रधानन्यायाधीश चोलेन्द्र शमशेर जवराको बिषयलाई लिएर आज मध्यान्ह दुई वकिल विराट न्यौपाने र भूमिनन्द चुँडालबीच कुटाकुट भएको हो ।
सर्वाेच्चमा इजलास खोल्नुपर्छ भन्ने विचार राख्दै परिसरमा उपस्थित केही मिडियालाई चुडालले अन्तर्वार्ता दिइरहेको बेला न्यौपानेले किन त्यसो भनेको भन्दै विवाद झिक्नु भएको थियो । प्रधानन्यायाधीशलाई लिएर दुई जनाबीच विवाद बढ्दै गएपछि काठमाडौं बारका अधिवक्ता न्यौपानेले सर्वोच्च बारका अर्का अधिवक्ता चुँडालमाथि आक्रमण गर्नुभएको थियो ।
सो घटनापछि परिसर भित्रै दुबैले लाता हानाहान गर्नुभएको छ । न्यौपाने प्रधानन्यायाधीशको राजीनामाको पक्षमा र चुडाँल न्यायाधीशहरूको बेन्च बहिष्कारको विरुद्धमा देखिनु भएको छ । दुई वकिल भिडिरहँदा दर्सक बनेका अन्य वकिलहरु भने लु बरावर भयो भन्दै छुट्याउने प्रयाश गरेका थिए ।
