नेकपा एसका अध्यक्ष नेपालको भव्य स्वागत
नेपाल कम्युनिष्ट पार्टी एकीकृत समाजवादी पार्टीका अध्यक्ष माधवकुमार नेपालको धनगढी विमानस्थलमा आज भव्य स्वागत गरिएको छ । कञ्चनपुरमा नेकपा एसको पार्टी उद्घाटन कार्यक्रमका लागि कैलाली पुग्नु भएका अध्यक्ष नेपाललाई संस्कृति,पर्यटन तथा नागरिक उड्डयन मन्त्री प्रेमबहादुर आले सहितको हजारौ नेता कार्यकर्ताहरुले भव्य स्वागत गरेका थिए ।
नेता नेपालको स्वागतमा सुदूरपश्चिम प्रदेशका मन्त्री तथा नेकपा एसका नेता कार्यकर्ताहरु सहभागि रहेका थिए । आज बिहान धनगढी बिमानस्थल पुग्नु भएका अध्यक्ष नेपाललाइ स्वागतका लागि गाउँ गाउँबाट नागरिकहरु स्वस्फूर्त रुपमा बिमानस्थल पुगी स्वागत गरेका मन्त्री आलेका स्वकीय अधिकृत भक्तबहादुर साउँदले जानकारी दिनुभयो ।
अध्यक्ष नेपालको स्वागतका लागि बिमानस्थल पुगेका नेता कार्यकर्ताहरुले अब सुदूरपश्चिम नेकपा एस मय भएको बादी समेत गरेका थिए । कञ्चनपुरको कार्यक्रम सकि नेता नेपाल आजै काठमाडौँ फर्किने तयारी भएको बताइएको छ ।
