देउवा र प्रचण्डले भनेका सबै कुरा सार्वजनिक गर्ने प्रधानन्यायाधीशको चेतावनी
सर्वोच्च अदालतका प्रधानन्यायाधीश चोलेन्द्रशम्शेर राणाले प्रधानमन्त्री एवं नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले परमादेशबाट प्रधानमन्त्री नियुक्त हुनुअघि गरेको सबै कुरा सार्वजनिक गर्ने चेतावनी दिएका छन ।
प्रधानमन्त्री देउवालाई प्रधानमन्त्री निवास बालुवाटारमा पुगी राणाले यस्तो चेतावनी दिएको कांग्रेस स्रोतले जनाएको छ । राणाको उक्त चेतावनीपछि देउवा चुप बसेका छन भने उनले आफू निकटका एक जना केन्द्रीय सदस्य गोविन्द भट्टराई मार्फत प्रधानन्यायाधीशलाई हटाउने र वा महाअभियोग लगाउने भन्ने काममा आफूहरू नरहेको बताएका छन ।
प्रधानन्यायाधीश राणाको कार्यसूचीमा काम गर्नुपर्ने न्यायाधीशहरू देउवा र प्रचण्डको आदेशमा इजलाश बहिष्कार गर्ने न्यायाधीशरूले सर्वोच्चको फुलकोर्ट समेत बहिष्कार गरेर नेताको घर पूर्वहरूको चोटाकोठा चाहर्न थालेपछि सोमबार साँझ राणा प्रधानमन्त्री निवास बालुवाटार पुगेका थिए । सोही समयमा उनले देउवालाई चेतावनी दिएका हुन ।
सोही दिन प्रधानन्यायाधीश राणाले देउवालाई आफूले राजिनामा नदिने बरू महाअभियोग आए त्यसको सामाना गर्ने बताएका थिए । सोक्रममा राणाले पत्रकार सम्मेलन नै गरेर परमादेशबाट प्रधानमन्त्री बनाउनुअघि देउवा र प्रचण्ड लगायतले भनेका सबै कुरा सार्वजनिक गर्ने बताएको कांग्रेस स्रोतले बताएको छ । राणाको उक्त चेतावनीका बारेमा देउवाले सत्तारूढ दलका नेताहरूलाई जानकारी समेत गराइसकेका छन ।
देउवाले सोमबार राति नै राणासँगको भेटपछि प्रचण्ड र नेपालसँग भेटगरी सबै घटनाक्रमको बारेमा जानकारी गराएको बालुवाटार स्रोतले दैनिकीलाइ जानकारी दियो । प्रचण्डले कान्तिपुर मार्फत समाचार लेख्न लगाएको र रामनाराण बिडारी मार्फत वकिलहरूलाई आन्दोलित गराउन लागएको विषयमा समेत बालुवटारमा समिक्षा पनि नभएको छ ।
राणाले मंगलबार नै पत्रकार सम्मेलनको तयारी गरेका थिए । केही पत्रकारलाई फोन समेत गरेर पत्रकार सम्मेलन गर्छु र मेरो कुरा भन्छु तपाईहरू आइदिनुपर्छ है भनेका थिए । यद्यपी उनले मंगलबार करिब १ बजेतिर गर्ने भनेको पत्रकार सम्मेलन अहिलेसम्म हुन सकेको छैन । यही बीचमा कांग्रेस र माओवादीका नेताहरूको आवाज भने सानो हुन थालेको छ ।
