प्रधानन्यायाधीश जवरा महाभियोग सामना गर्न तयार
प्रधानन्यायाधीश चोलेन्द्र शमशेर जबराले राजीनामा नदिने बताउनु भएको छ । पूर्वप्रधानन्यायाधीशसहित सर्वाेच्च अदालतकै न्यायाधीशहरु आफूबिरुद्ध राजीनामाको मागमा अडिरहेको बेला प्रधानन्यायाधीश जवराले राजीनामा नदिने बरु महाअभियोग फेस गर्ने जनाउ दिनुभएको हो ।
बिबिसी नेपाली सेवासँगको अन्तवार्तामा प्रधानन्यायाधीश जवराले राजीनामा नदिने जनाई आफू पदबाट बाहिरिने बाटो संविधानमा व्यवस्था रहेको भन्दै महाभियोग फेस गर्ने प्रष्ट सङ्केत गर्नुभएको छ । ‘संविधानको प्रक्रियाबाट म आएको छु र त्यही संविधानको प्रक्रियाबाट मात्रै म जाने हो, प्रधानन्यायाधीश जवराले भन्नुभयो, कसैको ‘दबाव र प्रभाव’मा पद त्याग गर्दिन । न्यायपालिकालाई लथालिङ्ग पारेर म जान्नँ।’
प्रधानन्यायाधीश जवराको यो भनाईको अर्थ महाभियोग सामना गर्न तयार देखिनुभएको हो । ‘यसमा म प्रष्ट छु, म विधि र प्रक्रियाबाट आएको हुँ, विधि र प्रक्रियाबाट जान तयार छु,’ बिबिसीसँग प्रधानन्यायाधीश जवराले भन्नुभएको छ । वर्तमान प्रधानमन्त्री शेरबहादुर देउवाको मन्त्रिमण्डलमा जबराले भाग खोजेको आरोप लागेपछि उहाँ विवादमा तानिनुभएको छ । तर जवराले नाम जोडिएर आएलगत्तै गजेन्द्र हमाललाई मन्त्री नबनाउन प्रधानमन्त्रीलाई भनेको भन्दै आफूलाई फसाउन सत्तारुढ गठबन्धनले षडयन्त्र गरेको खुलासा यसअघि नै गरिसक्नु भएको छ ।
