घर साहु अग्रवालले एमालेको पार्टी कार्यालय सार्न भनेपछि………
एमालेको पार्टी केन्द्रीय कार्यालय काठमाडौंको थापाथलीबाट ललितपुरको च्यासलमा सार्ने तयारी भएको छ । व्यापारी सञ्जय अग्रवालले एमालेलाई पार्टी कार्यालय राख्न आफ्नो घर दिएका थिए । अग्रवालले पार्टी कार्यालय सार्न भनेपछि एमालेको पार्टी कार्यालय सार्न लागिएको स्रोतले जनाएको छ ।
एमाले महासचिव ईश्वर पोखरेलले थापाथलीमा ठाउँ सानो भएकाले केन्द्रीय कार्यालय सार्न लागिएको बताएका छन् । एमालेलाई तुल्सीलाल स्मृति प्रतिष्ठानले कार्यालयमा राखेर कार्यसम्पादन हुनेछ । एमाले महासचिव पोखरेलका अनुसार अब एमालेले केन्द्रीय कार्यालको सबै काम च्यासलबाट गर्नेछ ।
महासचिव पोखरेलले फेसबुकमा लेखेका छन्, ‘नेकपा (एमाले) र तुलसीलाल स्मृति प्रतिष्ठानबीच महत्वपूर्ण समझदारी । अब केही समय पछिदेखि नेकपा (एमाले)ले केन्द्रीय कार्यालयबाट सम्पन्न गरिने सम्पूर्ण काम यहीँबाट हुनेछन् ।’
