प्रचण्डलाई प्रधानमन्त्री बनाउने नयाँ खेल सुरु

 

 

माओवादी केन्द्रका अध्यक्ष पुष्पकमल दाहाल ‘प्रचण्ड’ लाई प्रधानमन्त्री बनाउने नयाँ खेल सुरु भएको छ । पछिल्लो समय एमाले र माओवादी केन्द्रका दोस्रो तहका नेताहरुबीच चुनावलाई लक्षित गरेर सहकार्यबारे छलफल भैरहेको उच्च स्रोतको दाबी छ। अध्यक्ष ओलीले माओवादी केन्द्रका अध्यक्ष पुष्पकमल दाहाल ‘प्रचण्ड’ लाई प्रधानमन्त्रीमा अघि सार्ने तयारी गरेको बुझिएको छ । ओलीले यसको लागि प्रचण्डसमक्ष प्रधानमन्त्री बनाउनेदेखि चुनावी सहकार्यसम्मको प्रस्ताव गरेको स्रोतको दाबी छ ।  अध्यक्ष ओलीले एमालेले चाह्यो भने एक साताभित्रै यो सरकार ढल्छ भनेर त्यत्तिकै नभनेको विश्लेषकहरुको भनाई छ ।

ओलीले आगामी निर्वाचनमा कांग्रेससँग नै एमालेको कडा प्रतिष्पर्धा हुने बताईरहेका छन् । माओवादीसँग सहकार्य गरेर चुनावमा जाँदाखेरि फाईदा हुने उनको भनाई छ । प्रचण्डसँग सहकार्य गर्दा उता भर्खरै नयाँ पार्टी गठन गरेका माधव नेपाललाई पनि ठेगान लगाउन सकिने उनको ठम्याई छ । अहिले ओलीले अन्तर्राष्ट्रिय शक्ति केन्द्रसँग डिल गरिरहेका छन् । एमाले र माओवादी मिल्दा नै मुलुकको हित हुने दुवै पार्टीका प्रभावशाली नेताहरुको भनाई रहेको छ ।

एमाले–माओवादी केन्द्रबीच फेरि तत्कालै सहकार्य हुने सम्भावना कत्तिको छ ? त्यो त समयले नै देखाउला । तर, ओली र प्रचण्ड दुवैले त सार्वजनिक फोरममा तत्काल सहकार्यको सम्भावना नरहेको बताउँदै आएका छन् ।