माइक्रोबस चढेर राष्ट्रपति चन्द्रागिरीमा ( भिडियो सहित )

 

 

राष्ट्रपति भण्डारी ‘रिफ्रेसमेन्ट’का लागि चन्द्रागिरी हिल्स पुगेकी छन् । सोमवार राति चन्द्रागिरीमै बसेको र आज शीतल निवास फर्किने राष्ट्रपतिका प्रेस सल्लाहकार टीका ढकालले बताए ।

कुनै कार्यक्रम नभए पनि चन्द्रागिरी केबलकार चढेर पृथ्वीनारायणले युद्ध लडेको ठाउँको अवलकोन गरेको चन्द्रागिरी व्यवस्थापनले जनाएको छ । सोमवार साँझ राष्ट्रपति चन्द्रागिरी रिसोर्टमै बसेको बताइएको छ ।

राष्ट्रपतिलाई माइक्रो चढाएर चन्द्रागिरी केबलकार तथा रिसोर्टमा लगिएको छ । सर्वसाधारणको सवारी आवागमनमा असर पर्न नदिन राष्ट्रपतिले कुनै कारगेड बिना नै चन्द्रागिरी जाने व्यवस्था मिलाउन निर्देशन दिएको शीतल निवास स्रोतले जनाएको छ ।