एमालेमा एक अध्यक्ष र पाँच उपाध्यक्ष राखिने, उपमहासचिव नराखिने
नेकपा एमालेको केन्द्रीय समति एक अध्यक्ष र पाँच उपाध्यक्षसहितको बन्ने प्रस्ताव भएको छ । शुक्रबारदेखि ललितपुरमा भएको पहिलो विधान महाधिवेशनमा एमालेले यस्तो प्रस्ताव पेश गरेको हो ।
प्रस्तावमा उपमहासचिव नराख्ने प्रस्ताव पेश छ । यससँगै अब १३ जना पदाधिकारी रहनेछन् । जसमा १ अध्यक्ष, ५ उपाध्यक्ष, १ महासचिव ६ जना सचिव रहने छन् ।
त्यस्तै, केन्द्रीय कमिटीमा एक तिहाई महिला अनिवार्य गरिएको छ । कुल २२५ सदस्यीय केन्द्रीय कमिटी निर्वाचित हुने छ भने प्रदेश कमिटीका अध्यक्षहरु केन्द्रीय कमिटीका पदेन सदस्य रहनेछन् ।
