ब्राह्मण वंशले देशलाई बर्बाद गर्यो : प्रभु साह
बिहिबार लहानमा आयोजित आईटी आर्मीको सिरहा जिल्ला भेलालाई सम्बोधन गर्दै पूर्वमन्त्री साहले पञ्चायती व्यवस्थाको अन्त्यसँगै देशमा बाह्मण वंशको उदय भएको बताए । बहुदलीय शासन प्रणालीबाट ब्राह्मणवाद छिरेको जीकिर गर्दै पूर्वमन्त्री साहले कथित प्रजानतन्त्रको नाममा देशमा २०४७ सालदेखि लगातार ब्राह्मण वंशको शासन चलिरहेको बताए । उनले राज्य सत्तामा मात्र नभई देशको हरेक क्षेत्रमा ब्राह्मण वंशको कब्जा भई अन्यको उठिवास हुने स्थिति सृजना भएकोले देशमा स्थिरता, बिकास र समृद्धि ल्याउनु छ भन्ने ब्राह्मण वंशको अन्त्य ज़रूरी रहेको बताए । पूर्वमन्त्री प्रभु साहले ब्राह्मण वंशले देशलाई बर्बाद गरेको आरोप लगाएका छन् ।
संसारमा काहीँ नभएको तीन तहको सरकार नेपालमा रहेको बताउदै उनले ७६१ वटा सरकारले संघीयताको मजाक बनाएको जीकिर गरे । दर्जनौँ संवैधानिक निकाय, शासक वर्गलाई आरक्षण, पक्षपातपूर्ण राजस्व जस्ता व्यवस्था विश्वमै कतै नभएको ब्यवस्था नेपालमा हुनु ब्राह्मणवादकै उपज भएको जीकिर गर्दै उनले एकल नश्लीय सोचबाट निर्माण गरिएकोले असफल भइसकेको बताए ।
तपाई हामी सबै साक्षी छौँ, २०४७ साल देखि देशमा लगातार ब्राह्मण वंशको शासन छ । बहुदलीय शासन प्रणालीबाट ब्राह्मणवाद छिरेको हो । पंचायती ब्यवस्थाको अन्त्य संगैं ब्राह्मण वंशको उदय भयो । हिजो विभिन्न नाममा शाह र राणा वंश शासन गरे जस्तै अहिले कथित प्रजातन्त्रको नाममा ब्राह्मण वंशले शासन गरिरहेका छन् । पूर्वमन्त्री साहले भने, कुनै बेला उधोग व्यापारमा मारवाड़ी, नेवार र राणाहरु अगाड़ी थियो तर अहिले सबै क्षेत्रमा ब्राह्मण मात्र हाबी छ । अब हामी ब्राह्मण वंशको शासन अन्त्य गर्नुपर्छ ।
संसारमा काहीँ नभएको तीन तहको सरकार नेपालमा छ । संघीयताको मजाक बनाउने ७६१ वटा सरकार नेपालमा छ । दर्जनौ संवैधानिक निकाय नेपालमा मात्र छन् । संसारमा काही नभएको शासक वर्गलाई आरक्षण नेपालमा छ । नाङ्गै रुपमा पक्षपातपूर्ण राजस्व बाँडफाड नेपालमा मात्र छ । अरु देशको नागरिकता लिइसकेको व्यक्तिलाई पनिे नागरिकता दिने व्यवस्था नेपालमा मात्र छ ।ू उनले थपे, दुनियामा न भएको खेल नेपालमा जो हामी हेरिरहेका छौ त्यो सबै ब्राह्मणवाद उपज हो । देशमा स्थिरता, बिकास र समृद्धि ल्याउनु छ भन्ने ब्राह्मण वंशको अन्त्य ज़रूरी छ ।ू भेलाले दिपेन्द्र महतोको संयोजकत्वमा आईटी आर्मीको ७५ सदस्यीय सिरहा जिल्ला कमिटी गठन गरेको छ ।
