शाक्यलाई हटाउने गठबन्धको तयारी, पाण्डे मुख्यमन्त्री बन्ने संकेत
नेकपा एकीकृत समाजवादीको वागमती प्रदेश संसदीय दलको प्रमुख सचेतकमा मुनु सिग्देल नियुक्त भएकी छन् । दलका नेता राजेन्द्र पाण्डेले उपनेतामा कृष्ण खनाल र सचेतक बसुन्धरा हुुमागाईलाई प्रस्ताव गरेका हुन् ।
सोमबार बसेको दलको बैठकले वागमतीमा एमालेको सरकार अल्पमतमा परेकाले गठबन्धन सरकार बनाउने निर्णय समेत गरेको छ ।
गठबन्धनमा सामेल भएका दलहरू कांग्रेस र माओवादी केन्द्रसँग समन्वय गर्नका लागि बैठकले पाण्डेलाई जिम्मा दिएको छ । पाण्डे मुख्यमन्त्रीका दाबेदार हुन् ।
नेकपा एसले ३ दलीय गठबन्धन सरकारको तर्फबाट गर्ने साझा न्यूनतम कार्यक्रम मस्यौदा गर्न माधव पौडेल,बसन्त मानन्धर,मीना ज्ञवाली र बसुन्धरा हुमागाईलाई जिम्मा दिएको छ ।
नेकपा एसले अष्टलक्ष्मी शाक्य नेतृत्वको सरकार अल्पमतमा परिसिकेकोले नयाँ सरकार गठनको पहल गर्ने निर्णय गरेको छ । सो पाार्टीले बहुमत गुमाइसकेको सरकारलाई विकास निर्माणका कार्यक्रम स्वीकृत गर्न,निश्चित सर्तका आधारमा वितरण गर्ने गरी राखिएको अबण्डाका रकम निकास नगर्न समेत चेतावनी दिएको छ ।
