माधवकुमार नेपाल संसदीय दलको नेता
एमाले फुटाएर नयाँ गठन गरिएको नेकपा एकीकृत समाजवादी संसदीय दलको नेतामा माधवकुमार नेपाल चयन भएका छन् । बानेश्वरस्थित अन्तर्राष्ट्रिय सम्मेलन केन्द्रको ल्होत्से हलमा बसेको बैठकले अध्यक्ष नेपाललाई सर्वसम्मत चयन गरेको सांसद मेटमणि चौधरीले बताए । गठबन्धन सरकारमा सहभागी हुने तयारीमा रहेको एकीकृत समाजवादीमा प्रतिनिधिसभाका ३० सांसद छन् । यसैबिच एकीकृत समाजवादीबाट स्थायी समिति सदस्य बेदुराम भुसाल, जीवनराम श्रेष्ठ, रामकुमारी झाँक्री, प्रेम आले, मेटमणी चौधरी सरकारमा जाने सम्भावना रहेको बताइन्छ ।
