हाइकमाण्डबाट राजेन्द्र पाण्डे आउट
नेकपा एकीकृत समाजवादीको हाइकमाण्ड गठन भएको छ । उक्त हाइकमाण्डमा एमाले विभाजनमा सबैभन्दा बढी प्राविधिक काम गर्ने राजेन्द्र प्रसाद पाण्डे भने अटाएनन् । पाँच सदस्यीय हाइकमाण्डमा नअटाए पनि उनी कांग्रेस र माअवादीको बलमा बागमती प्रदेशको मुख्यमन्त्री हुने ध्यानमा छन ।
माधवकुमार नेपाल नेतृत्वको पार्टीले बुधबार निर्वाचन आयोगबाट आधिकारिता पाएसँगै पँच सदस्यीय हाइकमाण्ड गठन गरेर राजनीतिक तथा संगठनात्मक गतिविधि अगाडि बढाएको छ । स्रोतका अनुसार हाइकमाण्डमा नेपालसहित, झलनाथ खनाल, मुकुन्द न्यौपाने, प्रमेशकुमार हमाल र बेदुराम भुसाल रहेका छन ।
हाइ कमाण्डले तत्कालका लागि पार्टीको राजनीतिक तथा सांगठानिक गतिविधिसहित सरकारमा रहभागी हुने मन्त्री छान्ने, राजनीतिक तथा संवैधानिक नियुक्ति लगायत विषयमा निर्णय गर्ने बताइएको छ ।
