एमालेले बोलायो स्थायी कमिटी र संसदीय दलको आकस्मिक बैठक
नेकपा एमालेले स्थायी कमिटी र संसदीय दलको आकस्मिक बैठक बोलाएको छ । एमाले विभाजन रोक्ने उपया खोजी गर्न एमालेले आकस्मिक बैठक बोलाएको बुझिएको छ ।
एमाले अध्यक्ष केपी शर्मा ओलीले पार्टीलाई फुटबाट जोगाउन अन्तिम कसरत स्वरूप दुबै कमिटीको बैठक बोलाएका हुन । माधवकुमारन नेपालको अनुरोधमा शेरबहादुर देउवा नेतृत्वको सरकारले दल विभाजनसम्बन्धी अध्यादेश ल्याउने तयारी गरिरहेकाबेला अध्यक्ष ओलीले मंगलबार स्थायी कमिटी र संसदीय दलको बैठक बोलाएका छन ।
बिहान ११ बजे स्थायी कमिटी र ३ बजे संसदीय दलको बैठक बोलाइएको स्थायी कमिटी सदस्य छविलाल विश्वकर्माले जानकारी दिए । यी कमिटी च्यासलस्थित तुलसीलाल स्मृति प्रतिष्ठानमा बस्नेछ भने संसदीय दलको बैठक संसद भवन बानेश्वरमा बोलाइएको छ । अध्यक्ष ओलीले सोमबार राति नै बक्तव्य जारी गर्दै पार्टी एकताको आहवान गरेका छन । बैठकको एजेण्डा दल विभाजनको पक्षमा लाग्नेहरूमाथि कारबाही गर्ने रहेको बताइएको छ ।
