पाण्डे र आचार्य पनि ओली क्याम्पमा लागेपछि माधव नेपाल तनावमा
एमाले बरिष्ठ नेता माधवकुमार नेपाल आफ्नै समुहमा रहनुभएका सचिव भीम आचार्य र स्थायी कमिटी सदस्य सुरेन्द्र पाण्डेसँग आक्रोशित हुनुभएको छ । बरिष्ठ नेता झलनाथ खनाललाई पार्टी एकताबारे कन्भिन्स गर्न र माधवको पद लोलुपताबारे जानकारी दिन आचार्य र पाण्डे दिल्ली पुगेपछि उहाँ आक्रोशित बन्नुभएको हो ।
माधव निकट एक नेताका अनुसार दुवै नेताले माधवलाई जानकारीबिनै दिल्ली जानुभएपछि उहाँ आक्रोशित बन्नुभएको छ । ‘एकताको नाममा ओली (अध्यक्ष केपी शर्मा ओली) सँग मिलेर यता सवै काम ध्वस्त पारेर अव दिल्ली पुगेछन, यति खराव मान्छे पनि रहेछन, अव तिनका कुरा कसैले सुन्नुहुन्न,’ आचार्य र पाण्डेप्रति माधवको आक्रोश उधृत गर्दै ती नेताले भने । उनका अनुसार दुवै नेता बरिष्ठ नेता खनालको स्वास्थ्य अवस्थाबारे जानकारी लिन र स्वास्थ्य लाभ गर्न दिल्ली पुगेपनि नेता नेपालले आफू निकटका मिडियालाई भारतीय नेताहरुसँग गोप्य मन्त्रणा गर्न र एमालेमा फर्कनका लागि दिल्ली गएको समाचार लेखाउने कामसमेत भएको छ । यो कामको जिम्मेवारी नेता नेपालले कर्णालीका पूर्व अर्थमन्त्री प्रकाश ज्वालालाई दिनुभएको छ ।
पछिल्लो समय एमाले विवाद मिलाउन सक्रिय रहेका दुवै नेता अचानक दिल्ली गएपछि विभिन्न आशंका गरिएको भन्दै प्रचण्ड निकट मिडियाले पनि अफवाह फैलाउने काम भइरहेको छ । माधवले प्रचण्डको समेत सहयोग मागेपछि प्रचण्डले पनि सर्कुलरकै रुपमा दुई नेताबिरुद्ध समाचार लेखाउने काम गरेको स्रोतले बतायो । प्रचण्डसँगको सहकार्य छाडन नसकी नेपालले अपमान सहेर एकता नगर्ने भन्दै कार्यकर्ता भडकाउने काम जारी राखेको बेला आचार्य र पाण्डे भने जसरी पनि पार्टी एकता गर्नुपर्ने पक्षमा उभिनु भएको छ । सोही अभियानमा सक्रिय दुवै नेता खनाल भेटन पुगेपछि माधव तिलमिलाउनु भएको हो ।
बरिष्ठ नेता खनाल पार्टी एकताको पक्षमा आफू रहेको बिज्ञप्ती निकालेर दिल्ली जानुभएको थियो । उहाँको दिल्लीमा मृगौला प्रत्यारोपण गरिएको छ । प्रत्यारोपणपछि दिल्लीमै उपचाररत बरिष्ठ नेता खनाल भेटन र एकताको पक्षमा उभ्याउने मिसनसहित दुई नेता दिल्ली पुग्नुभएको उहाँहरु निकट स्रोतले जनाएको छ ।
