वामदेव गौतमले गरे केन्द्रीय कमिटी बैठक बहिस्कार
स्थायी कमिटी बैठकमा सहभागी भएर विधान संशोधन प्रस्तावमा आफ्नो राय राखेका एमाले उपाध्यक्ष वामदेव गौतमले केन्द्रीय कमिटी बैठक भने बहिस्कार गरेका छन् । पछिल्लो अनौपचारिक छलफल र स्थायी कमिटी बैठकमा सहभागी भइरहेका गौतम सोमवारको स्थायी कमिटी बैठकपछि च्यासलबाट बाहिरिएका थिए ।
स्थायी कमिटी बैठकमा गौतमले अध्यक्ष केपी शर्मा अोलीको आलोचना गरेका थिए । उनले अध्यक्ष ओलीसँग केहीबेर बाझाबाझ गरेको स्रोतले जनाएको छ । गौतमसँगै एमाले केन्द्रीय कमिटीमा उनी पक्षधर हरि पराजुली सदस्य छन् । एमालेको केन्द्रीय कमिटी बैठक तुलसीलाल प्रतिष्ठान च्यासलमा चलिरहेको छ ।
